पूर्वी ह्या टेकडीवर मोर खूप असायचे त्यामुळे या टेकडीला मयूर टेकडी म्हणतात. सुरुवातीला कानिफनाथ जेव्हा पैठण वरून आले त्यावेळी ते ह्या मयूर टेकडीवर बसायचे. त्यांना या ठिकाणी आल्यावर खूप आनंद वाटायचा. कानिफनाथांची एक शिष्या होती तिचं नाव धोंडाबाई. ही धोंडाई कानिफनाथांना म्हणायची की ही टेकडी तुम्ही मला द्या. तेव्हा कानिफनाथ म्हणाले की नाही मी ही टेकडी दुसऱ्या कोणा करता तरी राखून ठेवली आहे.पुढे श्री देवेंद्रनाथ मढीला आल्यानंतर या मयूर टेकडीवर त्यांनी दगडामध्ये चार बाय चार फूट आकाराचे कुंड तयार केले आणि ह्या कुंडात श्री देवेंद्रनाथ भस्म समाधी साधना करायचे. अशा एकूण ४२ भस्म समाधी साधना त्यांनी केल्या.  आणखी वाचा…