पाच दिव्य मुखे, दशभुजा दिव्य आयुधे व सर्व संकटांचे निवारण करणारे तपोदैवत.
सिद्ध नाथयोग्यांच्या समाधी स्थानाचे संरक्षण करणारे अद्भूत तपोबल संपन्न दैवत.
गांधाळ गुहा अनुष्ठान, दिव्य कवच निर्मिती व सर्व बीजमंत्रांनी युक्त पावन हवन विधी.
१. हनुमानजी — नाथ संप्रदायाचे तपोदैवत व संजीवनी समाधी
“हनुमानजी हे तपोदैवत आहे” असे प. पू. सद्गुरू श्री देवेंद्रनाथ महाराज नेहमी सांगत असत. नाथ संप्रदायात आणि योगमार्गात हनुमंतांचे स्थान अद्वितीय व अनिवार्य आहे.
🛡️ संजीवनी समाधी व मारुतीरायांची साक्ष:
कोणत्याही नाथपंथी सिद्धाला जर संजीवनी समाधी घ्यावयाची असेल, तर समाधीस्थानाच्या जवळ अनिवार्यपणे हनुमानजींची स्थापना करावी लागते. हनुमानजींच्या प्रत्यक्ष साक्षीने व अभेद्य संरक्षणातच नाथ सिद्ध संजीवनी समाधी धारण करतात.
२. एकमुखी व पंचमुखी हनुमानजींचे अद्वैत स्वरूप
पंचमुखी हनुमानजी म्हटलं की सामान्यतः आपल्या डोळ्यांसमोर पाच मुखांचे (पूर्व वानर, दक्षिण नरसिंह, पश्चिम गरुड, उत्तर वराह व ऊर्ध्व हयग्रीव) दैवत येते.
« परंतु सद्गुरू श्री देवेंद्रनाथ महाराज एकमुखी हनुमानजींचा सुद्धा “पंचमुखी” असाच गौरवपूर्ण उल्लेख करत असत ! »
अनेक नाथपंथी मंत्र आणि तंत्रांमध्ये हनुमानजींचाच प्रचंड दबदबा आहे. म्हणूनच सर्व नाथपंथी सिद्ध नाथयोग्यांच्या समाधी स्थानाच्या जवळ हनुमानजींची स्थापना केलेली पाहायला मिळते.
३. गांधाळ गुहा अनुष्ठान व पंचमुखी हनुमान सेवा
प. पू. सद्गुरू श्री देवेंद्रनाथ महाराजांनी स्वतः स्वामी श्री राघवेंद्र स्वामींच्या प्रत्यक्ष आदेशानुसार मंत्रालयम जवळील गांधाळ (Gandhal) येथील गुहेत पंचमुखी हनुमानजींची ७५ दिवस अखंड व खडतर सेवा-साधना केली होती.
गांधाळच्या या अनुष्ठानात पंचमुखी मारुतीरायांची आणि महालक्ष्मीची पूर्ण प्रसन्नता प्राप्त झाली, ज्याच्या बळावर महाराजांनी पुढे लोकोद्धाराचे आणि नाथपंथाचे अलौकिक कार्य केले.
४. पंचमुखी हनुमान कवच — पठण, हवन व बीजमंत्र
हनुमानजींचे अभेद्य दिव्य संरक्षण प्राप्त करण्याकरिता श्री देवेंद्रनाथांनी सर्व साधकांना “पंचमुखी हनुमान कवच” नित्य पठण आणि हवन करण्याकरिता दिले:
